कञ्चनपुरके बेलौरी नगरपालिका वडा नम्बर ८ रामपुर खेलकुद क्लबके आयोजनाम क्षेत्र नम्बर १ प्रथम उप-मेयर कप खुल्ला भलिबल प्रतियोगिता ओराइल बा।
शनिबार,बेलौरी नगरपालिका वडा नम्बर ८ रामपुर युवा क्लबके अध्यक्ष रणवीर सिंह थापाके सभापतित्वम बेलौरी नगरपालिका नगर उप-प्रमुख जोगराम चौधरीके प्रमुख आतित्वम स्वास्थ्यके लाग खेलकुद राष्ट्रके लाग खेलकुद कना मूल नाराके साथ मङ्सिर ४ गतेसे ६ गतेसम्म क्षेत्र नम्बर १ के प्रथम खुल्ला उप-मेयर कप भलिबल प्रतियोगिता ओराइल रह।
भलिबल प्रतियोगिताम सहभागी १४ थो टिम रलह कलसे प्रथम हुइया बेलौरी नगरपालिका वडा नम्बर ८ कलकत्ता श्री केदार अटो वर्कसप रु ५०हजार रुपैयाँ मसे २५ प्रतिशत कतौती कैक मेड्ल प्रमाणपत्र समेत पुरस्कर पाइल रलह। कलसे दोस्रा पुर्नवास नगरपालिका वडा नम्बर २ मोतिबस्ती श्री सरस्वती माध्यमिक विद्यालय रु २५ हजार रुपैया मसे २५ प्रतिशत कतौती कैक नगद रुपैयाँ व मेडल , प्रमाणपत्र फेन पाइल रलह।
खेल निर्णायक हिमाल बिष्ट, प्रेम बहादुर चन्द, मदन बहादुर चन्द, नारायण प्रसाद जोशी यकदम अनुसासनके साथ खेल खेलाइल रलह।
बेलौरी नगरपालिका नगर उप-प्रमुख जोगराम चौधरीके काहाई अनुसार खेलकना स्वास्थ्यक लाग ख्यालै पर्ना हुइलक ओहरसे समाजम असल अनुसासन मनैइ बन स्याकत व मजा समाज बनाइक लाग फेन खेलके आवस्यक पर्लक ओहरसे खेलहन बेलौरी नगरपालिका विशेष जोड देल बा। ओ आझकालिक युवा लर्काहुक्र बहुतसे कुलत भाङ , गाजा, ब्राउन सुगर ,जाडरक्सीम लग्नासे दुर हुहि कना उद्देश्यसे साथ मजा साजम कायम कर सेकही कना हेतुसे यी खेलहन सबसे फस्त चो धर्गिलक क्षेत्र नम्बर १ प्रथम उप- मेयर कप खुल्ला भलिबल प्रतियोगिता धर्लक हो।
भलिबल प्रतियोगिता खेलम समाजसेवी बुद्धिजीवी, विद्यार्थी भाइबहिनी,गजेन्द्र चन्द,नेपाल पुलिस पचुई चौकीके प्रहरीहुक्र , पचुई बि .ओ .पी. के सशस्त्र प्रहरी बलके फेन सुरुसे लास्तसम साथ सहयोग कर्ल ओकर लाग अध्यक्ष रणवीर सिंह थापा बहुत बहुत धन्यवाद देहल रलह।
कार्यक्रमम सुरुसे लास्त तक सञ्चालन टंकबहादुर बुढा कर्ल रलह।
