दिनेश चौधरी
९ २०८२ मंगलबार (६ महिना अघि)
पाठक संख्या ५५४
कञ्चनपुरके बेलौरी नगरपालिका वडा नम्बर ६ म रहल श्री सिद्धबाबा एकेडेमीके आयोजनाम“प्रथम सिन्धुराज अवस्थी स्मृति क्रिकेट कप २०८२”प्रतियोगिता ओराइल बा।
मंगलबार, बेलौरी नगरपालिका वडा नम्बर ६ मा रहल श्री सिद्धबाबा एकेडेमीके आयोजनाम प्रथम सिन्धुराज अवस्थी स्मृति क्रिकेट कप प्रतियोगिताम फाइनल खेलके जित वात्सल्य विद्या निकेतन हात पर्लक हो।
१५ ओभरके खेलम ९ विकेट गुमैती वात्सल्य ७४ रन बनाइल रह कलसे जवाफी ब्याटिङम सत्यवती एकेडमी ९ ओभरम अलआउट हुइती ४६ रनम समेत्क दोस्रो स्थानम प्राप्त कर्लक हो। प्रतियोगिताम उत्कृष्ट प्रदर्शन कर्नाम म्यान अफ द म्याच व उत्कृष्ट बलर दुइथो अवार्ड वात्सल्य विद्या निकेतनके भी.एब. राना हात पारल रलह। उत्कृष्ट व्याट्समेन सत्यवती एकेडमीके योगेन्द्र बिष्ट तथा प्लेयर अफ द टुर्नामेन्ट आदर्श थापा घोषित हुइल रलह।
सिद्धबाबा एकेडेमीके संस्थापक समेत रहल सेयर सदस्य सिन्धुराज अवस्थीके २०७१ साल चैत्र १० निधन हुइल रलहन। अवस्थीके सम्झनाम ३ दिनके क्रिकेट प्रतियोगिता आयोजना कर्गिलक सिद्धबाबा एकेडेमीके प्रधानाध्यापक खड्क शाह चौधरीखबरहन जानकारी देहल रलह।
प्रतियोगिताम बेलौरी नगरपालिका भित्रके ५ वटा सस्थागत विद्यालय, धनगढी उपमहानगर पालिकाके १टीम व गोदावरी नगरपालिकाके ५ टीम गरी ११ टीमके सहभागिता रहल समेत शाह बतैती समाजम योगदान देलक मनैनके सम्झनाम खेलकुद कार्यक्रके आयोजना कर्गिलक बटिल।
कार्यक्रमम प्रथम हुइना वात्सल्य विद्या निकेतनके टीम नगद रु ७ हजार ५ सय ट्रफ, मेडल प्रमाणपत्र, द्वितीय हुइना सत्यवती एकेडमीके टीम नगद रु ५ हजार ट्रफी,मेडल,प्रमाणपत्र, खेलम उत्कृट खेलाडी, उत्कृट बलर उत्कृट व्याटसमेन, हरेक खेलके म्यान अफ द म्याचहन ट्रफी प्राप्त कर्गिलक आयोजक जनाइल बा।
कार्यक्रमके सभापति सिद्धबाबा एकेडेमी सञ्चालक समिति सदस्य गणेश सिंह ऐरी, प्रमुख अतिथि स्वर्गिय सिन्धुराज अवस्थीके धर्म पत्नी हेमन्ती अवस्थी विशिष्ट अतिथि बेलौरी नगर खेलकुद समितिके अध्यक्ष रामेश्वर न्यौपाने फेन रलह।
