स्वास्थ्यके लाग खेलकुद राष्ट्रके लाग खेलकुद”कना मुल नाराके साथ बेलौरी नगर खेलकुद समितिके आयोजनाम १६ औं संस्करणके नगर स्तरिय राष्ट्रपति रनिङ शिल्ड छनोट प्रतियोगिता सुरु हुइल बा।
मंगलबार,कार्यक्रमके सभापति बेलौरी नगर खेलकुद समितिके अध्यक्ष रामेश्वर न्यौपाने, प्रमुख अतिथि सुदुर पश्चिम प्रदेश सभा सदस्य दिवान सिंह बिष्ट, खास पहुना बेलौरी नगरपालिकाके प्रवक्ता एवं कार्यवाहक नगरप्रमुख हर्क बहादुर भूल,पहुनाम बेलौरी नगरपालिकाके निमित्त प्रमुख प्रशासकीय अधिकृत झपिराज ओझा, बेलौरी नगरपालिका शिक्षा शाखाके प्रमुख अमित प्रसाद भट्ट, महाकाली माध्यमिक विद्यालयके विद्यालय व्यवस्थापन समितिके अध्यक्ष प्रेमसिंह बोहरा, नेपाली कांग्रेसके बेलौरी नगर सभापति पेपुराम चौधरी, राजनीतिक दलके प्रतिनिधि, सुरक्षाकर्मी लगायतके उपस्थिति हुइल रह। कार्यक्रमके उद्घाटन कर्ती कार्यक्रमके बर्का पहुना एवं सुदुर पश्चिम प्रदेश सभा सदस्य दिवान सिंह बिष्ट खेलकुद विद्यार्थीके शारीरिक,मानसिक सङ आत्मिक तन्दुरुस्त बनैना व सिखाइम ताजापन लन्नाम खेलके भारी भूमिका खेल्ना बतैती अप्पने स्वयं यह क्षेत्रके नागरिक हुइलक हैसियतसे खेलाडी भाइ बहिन्याहुक्र विकासके लाग अप्ने सक्दो पहल कर्ना प्रतिबद्धता व्यक्त कर्ल रलह।कार्यक्रमम बोल्ती नगर प्रवक्ता एवं कार्यवाहक नगरप्रमुख हर्क बहादुर भुल बेलौरी नगरपालिका सिमित श्रोत साधन भित्तर होक फेन विगतके बर्षम हमार पालिकासे छनौट हुइलक खेलाडीहुक्र जिल्ला, प्रदेश व राष्ट्रीय स्तर समेत आपन प्रतिभा प्रदर्शन बतैती यह वर्ष फेन प्रतियोगितासे छनौट हुइलक खेलाडी विद्यार्थीहुक्र जिल्ला, प्रदेश राष्ट्रीयस्तर या आपन नाम व पालिकाके नाम धर्ना सफल हुहि कना विश्वास लेहल बतैल।
बेलौरी नगर खेलकुद समितिके नगरपालिका भित्तरके सामुदायिक तथा संस्थागत माध्यमिक विद्यालयके छात्र–छात्रा सहभागिता जनैना आयोजक चौधरीखबरहन जानकारी देहल रलह।
