कञ्चनपुर के बेलोरी नगरपालिका वडा नम्बर ९ कुण्डा पर्यटकीय स्थलम माघ विशेष सांस्कृतिक कार्यक्रम ओरायल बा।
बिहिवार, बेलौरी नगरपालिका वडा नम्बर ९ कुण्डा पर्यटकीय स्थलम वडा न्म्बर ९भलमन्सा समितिके आयोजनाम "शिक्षा स्वास्थ्य विकासके अभियान, कृषि सांस्कृतिक पर्यटन हमार पहिचान" कना मुल नाराके साथ माघ विशेष सांस्कृतिक कार्यक्रम ओराइल रह।
कार्यक्रममा बेलौरी नगरपालिका वडा नम्बर ९ भलमन्सा समितिके अध्यक्ष रामप्रसाद चौधरीके सभापतित्वम बर्का पहुना बेलौरी नगर प्रमुख पोतीलाल चौधरी,खास पहुनाहुक्र बेलौरी नगर उप-प्रमुख जोगराम चौधरी, बेलौरी नगरपालिका वडा नम्बर ९ के वडा अध्यक्ष किशन सिंह राना, वडा सदस्य बसन्ती नेपाली पहुनाहुक्र समाजसेवी बुद्धिजीवी राजबहादुर चौधरी, रामबहादुर गुरुङ लगायत भलमन्साहुकनके फेन उपस्थिति ढिउर से ढिउर रह।
नगर प्रमुख पोतिलाल चौधरी कल" माघी पर्व परम्परागतसे चल्ती अइलक यक थो पर्व हो यी पर्वके उद्देश्य थारु समुदायके पहिचान,संरक्षण कर्ना व यक आपसम,सद्भाव एकता ओर सामाजिक मेल मिलाप हुइना थारु समुदायके बर्का पर्व हुइलक ओहरसे यी कुण्डा पर्यटकीय स्थलहन फेन आघ बढाइक लाग नगरपालिका सेक्ना सहयोग कर्ती रहब कना प्रतिबद्धता जाहेर कर्ल रलह।
नगर उप-प्रमुख जोगराम चौधरीके अनुसार हमार माघ पर्व पुर्खौसे चल्ती अइलक थारु सांस्कृतिक रीतिरिवाज, खानपिन,रहनसहन आपन भेषभुषा पहिरनहन बचाइक लाग फेन हम्र बेलौरी नगरपालिकासे सक्कु जातजातिके मनैना पर्वके लाग बजेड छुत्तिल रथी सक्कु धर्मके जातजातिहुकन हातोमालो कर्ती सम्मान रुपसे समेत्क लैजैना हमार उद्देश्य हो।
वडा नम्बर ९ के वडा अध्यक्ष किशन सिंह रानाके अनुसार मैइ आपन जनताके सेवाके लाग रातदिन खतल रथु मोर धारणा जौन पार्टीम आवद्ध रलसे फेन मोर कौनो भेदभाव नै कर्तु जनता महिन जिताक यहाँ सम्म लन्ना सक्कु मोर जनता हुइत कना मै सोचके साथ हातोमालो कर्ती आघ बढ्ल बतु अत्रकेल नि होक माघी कना थारु समुदायकेल नि मान्क बहुत जाती फेन मनाय भिरल बाट खास कैक थारुनके लौव वर्षके रुपम मनैना हुइलक ओहरसे बर्का पर्व कैक मन्थ याकर लाग हम्र बेलौरी नगरपालिका वडा नम्बर ९ से फेन बजेड छुट्याएक यी कार्यक्रम करागिल हो। हमार वडा न ९ के भलमन्साहुकन जिम्मा देक यी माघ विशेष कार्यक्रम करागिलक हो। वडाके बजेड हुइत सम आगामी दिनम कुण्डा पर्यटकीय स्थलम यीहिनसे भारी भव्य व सभ्य रुपम मनैने बाती कना प्रतिबद्धता जाहेर कर्ल रलह।
सभापति रामप्रसाद चौधरी के अनुसार माघ विशेष सांस्कृतिक कार्यक्रमम लालीगुराँस महिला समूह,हरियाली महिला समूह, कोपिला महिला समूह, रामघाट महिला जागरण समूह, कोमल महिला समूहके नाच झुम्रा,सखिया, मघौटाके सँगसँग स्थानीय कलाकारहुकनके बेजोड प्रस्तुति हुइल रह। कार्यक्रमम आक सक्कुजन धैर्य धारण कैक अन्तिम समय तक साथ सहयोग कर्ल ओकर लाग विशेष धन्यवाद देती समापन कर्ल रलह।
कार्यक्रमके सञ्चालन करुइया वीरेन्द्र चौधरी व सहजीकरणके रूपम जगदीश चौधरी यकदम मजासे कर्ल रलह।
